Mikill fjöldi mætti í vel heppnaða Draugaferð á laugardaginn var. Þór Vigfússon sagði frá frægustu draugum Flóahrepps. Móri, einn merkasti draugur okkar íslendinga, lét sig að sjálfsögðu ekki vanta í ferðina og lét vita af sér með sínum einstaka hætti.

Fyrsti bíll fyrirtækisins Dodge Weapon leiddi lestina og heiðursgestir í ferðinni voru meðal annars samgönguráðherrann Ögmundur Jónasson og sveitarstjórar Flóahrepps og Árborgar.